Esplorar... ¿qué ye eso?

Nestes dómines escures nes que dende les Federaciones nun se fai otro que destinar fondos a competiciones espeleolóxiques, mentantu se fomenta la ignorancia institucionalizao y l'escaezu ente los más mozos del verdaderu valir y significáu de palabres como "aventura", "conocencia", "compromisu", "equipu" o "andecha"; unes dómines nes que se conderga a los espeleólogos qu'entá lluchamos por caltener l'aliendu la esploración al ostracismu más gafu y velenosu... entá surden llaparaes de lluz y de guapura tan escomanao que fain rescamplar el fedor escuru de toos esos burócrates -miserables usurpadores de la memoria-, que xorrecen perdayuri. Sí que paga la pena seguir peleando, lluchando, esplorando. Somos nós los que llevamos razón y nun mos vamos a dar. Velequí el futuru: proyeutos d'esploración articulaos a costafecha y penriba de barreres mentales y alministratives de toa triba.

>> Ay, mi México, lindo y querido...