Sistema del Alto del Tejuelo (Cantabria): 77.000 m de desendolcu y -605 m de fondura

Pasamanos nel "Pozo Alicia". Torca Bernallán, a -490 m. Semeya: SECJA

Ente'l 19 y 21 de xunetu, miembros del interclub formáu pol SECJA (Alcobendas, Madrid), Wom (Lovaina, Bélxica) y ACE (Mataró, Barcelona), fueron quiénes p'allugar el pasu ente la Torca Bernallán (LM7) y la Torca de los Moros, llogrando d'estamiente el sistema soterrañu más estensu de Cantabria y el segundu con mayor desendolcu d'España, tres d'Ojo Guareña (110 Km, Burgos).

La conesión d'estes dos torques supón xuntar nún mesmu sistema soterrañu, el Sistema del Alto del Tejuelo, les siguientes cavidaes: Torca del Canto Encaramao, Torca Bernallán, El Cotero, Torca de los Moros, Torca de la Canal y Torca de Riañón. Un gran sistema, con más de 77 Km. de galeríes y 605 metros de fondura.

Alegrámonos muncho bien d'esta bona anuncia y, amás, pola parte piquiñina que mos toca nella: la Torca Bernallán (LM7) foi esplorada primero en 1982 pol Espeleo Club de Gracia (Barcelona) y depués, en 1986, polos grupos cántabros Sociedad Espeleológica Lenar (Santander) y G. E. La Lastrilla (Castro Urdiales), xunta espeleólogos asturianos del interclub CADE (Asturies), ente los que tábemos dalgunos de los miembros del nuestru equipu. Daquella, descubriose'l pasu al nuevu sector de la cavidá ("Pasu Cañibano"), algamando una cota de -579 m de fondura, lo que permitió la continuación de les esploraciones posteriores.

>> Pica equí pa saber más.