El Pozo Azul: 5.020 m

L'EKPP nel Pozo Azul, en Mayu de 2008. Semeya: Joaquín González Moya

Rupo informa que del 1 al 4 de mayu, quince merguyadores del European Karst Plain Project (EKPP), ficieron una incursión en El Pozo Azul (Covanera-Burgos). Los alemanes Reinhard Buchaly & Markus Schieritz aportaron nel Segundu Sifón al filu guía de Jason Mallison, a 3.530 m/-71 m, avanzando 490 metros más. La galería sigue y el desnivel nesi nuevu tramu caltiénse a la mesma fondura.

Pa esta inmersión, l'equipu EKPP instaló un hábitat a -9 m, xunta los dos que yá había; previamente, nel mes de febreru, dellos miembros del EKPP llegáranse a Covanera (Burgos) pa facer una inmersión preparatoria.

Con esti nuevu avance, El Pozo Azul algama un desendolcu de 5.020 m, repartíos nun Primer Sifón de 700 m, un tramu aeriu de 300 m (La Burbuja) y un Segundu Sifón de 4.020 m.

La crónica de Joaquín González Moya (EKPP), sobre esta cabera esploración, ya información abondo y actualizao n'Espeleobuceo en Burgos.

¡Gracies, Rupo!.