Cerráu'l cupu pa la campaña de Picos

Esti añu va dir xente abondo. Zape diz que seique seya polos "donnetes"... Avisa que va haber puntes mui bien altes de xente nel campamentu el finde del 19-20 d'agostu, que de xuru van saturar la cocina, sobre too si'l tiempu nun ye bonu. La tercer selmana d'agostu ye la que más participación tien. Los que camienten dir de visita, que lo faigan fuera d'eses feches, por favor. Ye meyor dexalo pa la primer-segunda selmana d'agostu o los díes del final, p'asina aprovechar los viaxes y char un gabitu pa baxar material. Mañana quedaron en Castro a les 17:30 h. pa terminar d'empaquetar les coses; d'estamiente sólo queden dalgunos detallinos pa enantes facer el portéu'l día 8 d'esti mes, si too va bien.