Una murnia anuncia

Isidro mos da anuncia de qu'ayeri de madrugada fallecieron los músicos de Felpeyu, Igor Medio (Bouzuki, autor de la tira cómica "La Familia Castañón") y Carlos Redondo ("Carlos el de Los Locos") nún acciente de tráficu n'Álava, cuando marchaben pa Barcelona a un concietu. Equí ta la noticia:

http://www.elmundo.es/elmundo/2006/06/24/espana/1151151741.html

Perdemos d'estamiente a dos de los meyores músicos asturianos y a dos grandes rapazos, perfechos representantes de lo más dinámico y llúcidu d'esta sociedá que dellos cuiden sapozada nel escaezu... estos son los daños colaterales de la santificada "movilidá xeográfica llaboral" y "les acondaes comunicaciones" que carecemos n'Asturies, como-yos presta repetir fasta la repunancia a esos cínicos etnocides de la FSA-PSOE. L'esiliu económicu y el déficit d'infraestructures y comunicaciones, quier dicise...

Nellos poso’l corazón,
nellos pongo la esperanza,
la grana azul del futuru
y la flor de l’alcordanza

Del so CD “Tierra”, n’alcordanza de Carlos ya Igor.

Carlos ya Igor tarán pa siempres na nuesa alcordanza y la so música nos nuestros corazones.

G.E. GORFOLÍ (ASTURIES), 2006.