Afayen restos humanos de más de 5.000 años d'antigüedá na Cueva d'Arinteru, Valdel.lugueros (Lleón)
Ún de los cranios afayáu na Cueva d'Arinteru polos miembros del Club Parapente Ciconia, de La Veciella (Lleón).
Los especialistes confirmen que los restos humanos afayaos na Cueva d'Arinteru en Valdel.lugueros (Lleón) tienen un mínimu de 5.000 años. Nesti artículu de Terra Antiqvae, amplíen daqué la información sobre l'afayu que los miembros del Club Parapente Ciconia de La Veciella (Lleón) ficieron esti mes d'ochobre de 2006 nun llugar de difícil accesu, xunta restos d'un osu. Anque pendientes de datar con Carbonu 14, un adornu fechu con asta de venáu y dellos otros detalles venceyaos a los restos, falaríen d'una antigüedá d'ente 5.000 a 10.000 años, abarcando del calcolíticu al paleolíticu superior. La distancia ente los restos de los dos cuerpos humanos y los restos del osu, fai albidrar que nun se trata d'un enterramientu, que pudieren pertenecer incluso a dómines distintes y nuna vieya entrada a la cueva muncho más accesible que l'actual.
Un importante afayu que, como siempre pasa nestos casos, vien yá chiscáu dende l'aniciu por míseres polémiques. Los espeleólogos qu'afayaron los restos ficieron lo que teníen que facer: allugar y topografiar la cavidá y dar anuncia a la Federación de Espeleología de Castilla y León y a la Dirección General de Patrimonio y Bienes Culturales de la Junta de Castilla y León. Menos mal que mos pinta que los collacios del Club Parapente Ciconia tiénenlo muncho bien claro: «no queremos saber nada de este tema, ya hemos cumplido con nuestro deber de la mejor manera que hemos sabido, ahora solo queremos que nos dejen de aburrir con noticias de morbo y fuera de contexto y que vuelvan a olvidarse de nosotr@s como han hecho siempre».
Más información y semeyes en:
>> Blog Club Parapente Ciconia
Grecies, Teca.
posted by Xosepin at 2.1.07
<< Home