Accidente mortal de Dave Shaw en Boesmansgat (Suráfrica)

Dave Shaw, nuna inmersión.

Cuando l'espeleomerguyador Dave Shaw algamó los -270 m. de fondura en Boesmansgat, nun foi a creer lo que vio. Allá no fondero la más fonda cavidá d'agua dulce africana, cerca Ciudá del Cabu, el mesmu llugar au'l merguyador portugués Nuno Gomes batiera'l récord mundial de fondura hai años, Dave atopó'l cálabre d'un mozu espeleomerguyador, Deon Dreyer, quien desapareciera diez años atrás con malpenes 20 años d'edá. Cuando Dave dio anuncia'l so descubrimientu, prometió-yos a los padres de Deon que tornaría a baxar pa mirar de recuperar los restos del so fíu. Cumpliendo so pallabra, esti pasáu mes d'ochobre, Dave Shaw volvió amiyar a lo fondero Boesmansgat, pero esta vuelta y por desgracia, pa nun volver más. Paez ser que los esfuerzos de Dave por recuperar los restos de Deon fueron escomanaos, lo que fizo que'l so respirar deteriorárase, terminando por enredase na llinia de vida al mirar de volver a superficie.

>> Tola historia, equí.
>> Más info, equí.
>> Y equí, un vidiu d'esta cabera inmersión de Dave Shaw.

Gracies, Nuno "Bebe" Gomes.