L'equipu de "AlFilo" da col Pegaso

El torpederu italianu "Pegaso".

Teca, 24/10/06. «Güei por fin atopamos el Pegaso. Acertamos a la primera col fondéu, dexámoslu drechu y baxamos a la proa'l barcu. A partir de -50 m, la "blava aigua del mediterrani" véyase dafechu y nun dexa pasar la lluz del sol, asina que na banda de babor del raque hai casi escuridá total. La parte onde cayimos, averada a la proa, ta dalgo desfecha, pero reconócense l'ametralladora antiaeria y delles máquines. Sacamos dellos planos y tres 17 minutos de fondo entamamos la subida. Usamos TX12/60 pal fondu y EAN 50 y Oxi pa la deco. Tiempu total, 125 minutos. Mentantu la deco, a partir de -12 m. de fondura, debalamos alredor d'una milla pal norte. Saliónos too perbien, a destacar qu'escaecimos los bocadillos y tuvimos qu'asaltar el barcu la Fundación Mar Balear. La verdá ye que dexáronse y yá teníen preparaes delles coses y vino abondo... Vívese bien nesta islla...»