Vagamar en Mallorca

El somarín español B-1, fundíu como buque blancu nos años 40 n'agües de Mallorca.

L'equipu de "Al Filo" aguarda que la mar acabe d'echase en Mallorca pa entamar cola filmación de los raques n'agües abiertes y güei van tar inactivos por mor d'ello. Sicasí, el tiempu aprovecháronlu enforma, pues yá dan por finalizao la filmación nes cueves del sureste la islla, la rede cavidaes somorguiaes más estensa d'Europa. Sigún mos cuenta Teca, «ayeri coló p'Arizona Mike Madden y ficimos una merienda con cabrales, afuega'l pitu, gamonéu, casín, cecina, chorizos a la sidra y abondo sidra. Si les abegoses condiciones de la mar siguen asina, miraremos d'espetar el somarín en blando esta nuechi». A ver si la cosa se dá, ya vos diremos cuntando.