"Al Filo" sigue filmando en Mallorca

Imáxenes de los raques de los barcos italianos "Pegaso" ya "Impetuoso"

L'equipu d'Al Filo de lo Imposible sigue filmando n'agües de Mallorca. Javier Lusarreta mos cuenta que güei mesmu van instalar un pozu d'agua, que cortocircuita una cueva, pa baxar los torpedos y demás material de merguyu y filmación: «ye ablucante, la capa'l techu ye de 70 cm, y llueu una sala perguapa, enllena formaciones alucinantes; abondo trabayu, bon ambiente, muncho galdimientu, bien de rises, bones imáxenes y bona xente».

Teca incorpórase güei a la espedición y mos apurre l'escelente vidiu dirixíu y realizáu por Rubén Casas pa la Fundación Mar Balear tituláu «La última misión», nel que se relata la historia'l naufraxu en 1943 de los barcos italianos "Pegaso" ya "Impetuoso", pertenecientes de la escolta l'acorazáu "Roma", que fundieron n'estrañes circunstancies a poques milles de la bahía de Pollença (Mallorca), y que van ser tamién filmaos nesta espedición d'Alfilo.

>> Pica equí pa ver el vidiu.
>> Y equí pa descargate un documentáu estudiu en PDF sobre estos dos barcos (5.78 MB).