Torca la Palanca: -1.330 m.

La entrada cimera la Torca la Palanca (Torca la Cornisa), marcada con una flechina. Semeya: Adolfo Cuétara

Adolfo Cuétara y Pablo Sedano, guardes del refuxu de Colláu H.ermosu (Picos d'Europa), danmos anuncia al traviés de ForoPicos de qu'esti sábadu acaba salir de la Torca la Palanca l'equipu belga qu'entá taba esplorando nella. Too foi bien y dexen la punta d'esploración a una fondura de -1.330 m, pero con bones posibilidaes de continuación, lo que van dexar pal branu que vien. Nún ataque serondiegu de 6 díes dientro la cavidá (del llunes 16 al sábadu 21 d'ochobre), a los esploradores llevó-yos tres díes aportar a la másima cota algamada l'añu pasáu, -1.330 m, faltándo-yos tiempu pa trabayar no fondero y salir otra vuelta: dos díes pa too ello. Gracies, Adolfo y Pablo.