Cuatro cueves asturianes, candidates a Patrimoniu de la Humanidá

El Conseyu de Patrimoniu Históricu Español, aconceyó en Potes (Llébana) el 30 y 31 d'ochobre, aprobando l'espediente de la candidatura que'l Ministeriu de Cultura va presentar a la UNESCO pa que se declare Patrimoniu de la Humanidá l'arte rupestre Paleolíticu de la cornisa cantábrica. Na propuesta inclúinse 14 cueves de Cantabria, Euskadi y Asturies. La Cueva la Peña en Candamo, El Pozu'l Ramu (Tito Bustillo) en Ribeseya, La Cueva Llonín nel Valle Altu de Peñamellera, y La Cueva'l Pindal en Rivadeva, son les cueves asturianes seleccionaes nesta candidatura de la que tamién formen parte les cueves cántabres de Chufín, Hornos de la Peña, El Castillo, La Pasiega y Las Monedas, mentantu les d'Euskadi seríen les cueves de Santimamiñe y Ekain. Esta candidatura a Patrimoniu de la Humanidá, ye la única que va presentar l'Estáu español en 2007, y ye una ampliación de la declaración de la Cueva d'Altamira (Cantabria) como Patrimoniu de la Humanidá. Les cuatro cueves asturianes sumaríanse destamiente al arte prerrománicu asturianu y a los monumentos medievales d'Uviéu, que yá formen parte d'esti Patrimoniu de la Humanidá.

>> La noticia, equí.