Finaliza la espedición de "AlFilo" a Mallorca

El somarín español B1.

Acabante aportar a casa los collacios del Ensame Aguarón que participaron na espedición del programa de Televisión Española (TVE) "Al Filo de lo Imposible" a la islla de Mallorca (Les milenta llaceries del Tercio Español de Pollença), Teca mos informa: «el xueves baxamos al B-1, somarín español fundíu como blancu d'artillería mentantu unes maniobres de l'Armada Española nos años 40. El barcu ta adrizáu y descansa nún fondu a -55 m. Tien dellos impactos y un gran furacu averáu a la torreta, que foi el güelpe definitivu fechu por un torpedu. Per esti furacu ye dable ver la sala mandu'l somarín. Falta-y el cascu esterior, pero vense claros los tubos y los estabilizadores. Ficimos una inmersión de 30 minutos con estremaos porcentaxes d'helio pal normóxicu, aprovechado los culos de les botelles usaes el día anterior pa los barcos italianos. La Fundación Mar Balear ta estudiando y documentando en profundidá estos y otros raques de les costes baleares».

>> Remembrar que la prósima serie de programes de "Al Filo de lo Imposible", entamará a emitise per Televisión Española (TVE) n'avientu de 2006, y nella podrá vese esti documental de Mallorca, xunto col fechu l'añu pasáu nel Manantial de Los Zarzalones, en Málaga.

>> Si quies saber más del somarín B1 y del so serviciu activu na Guerra d'África, pica equí.