Iniciativa pa preservar el Planinsko Polje (Eslovenia)

Vista aeria del Planinsko Polje (Eslovenia)

La presión inmobiliaria y turística amenaza n'Eslovenia, con dañar de forma irremediable el Planinsko Polje, una depresión kárstica única. La fráxil ecoloxía y el paisaxe d'esti polje de relevancia mundial nun merez ser escusa pa la construición, precismante na so fastera meyor preservada y más delicada, d'un mastodónticu proyeutu arquiteutónicu au pretende allugase un futuru Muséu Européu del Karst (European Karst Museum, EKM), verdaderu banderín d'enganche pa la posterior apertura la veda inmobiliaria na zona. De fecho, yá ta vendiéndose asina ("EKM is one one of first class national tourist attractions..."). ¿Un muséu del karst como escusa pa estrozar el karst?. Sí, el proyeutu del EKM fala tamién del desendolcu sostenible, pero nada nun diz del status de proteición llegal reserváu al espaciu. La Sociedá Espeleolóxica de Ljubljana, impulsora d'esta iniciativa de proteición, mira de conseguir un estatutu de proteición llegal pal Planisnko Polje y la so rodiada, que permita matizar proyeutos como esti del EKM y otres futures actuaciones nesti espaciu únicu. Gracies, Nuno Gomes.

>> Na páxina la Iniciativa pola preservación del Planinsko Polje podeis firmar sumándovos a ella.