¿Quién s'alcuerda del 25 de mayu?

Asturies, nunca vencida

Güei, 25 de mayu, cumplése ensin pena nin gloria -como davezu nesti país apoderáu por miserables-, el 199 aniversariu d’ún de los acontecimientos más sobresalientes de la Historia asturiana: la proclamación de soberanía de la Xunta Xeneral del Principáu d'Asturies acompañada de la declaración de guerra a la Francia napoleónica. L'historiador Faustino Zapico destaca qu'estos acontecimientos, que suponen l’aniciu de la Historia contemporánea asturiana -porque marquen el principiu de la fin del Vieyu Réxime y la entrada de les mases populares na política- y que tuvieron gran sonadía daquella, tán güei escaecíos pa la inmensa mayoría de la población incluida la clase política representada nuna Xunta Xeneral, que nun tien pa nada nin les atribuciones nin l’altor de mires que tuvieron los diputaos d’aquella de mayu de 1808.