Descubierta la cueva mítica del Lupercal, en Roma
La lloba Luperca, dándo-yos de mamar a los ximielgos Rómulo y Remo, fundadores de Roma.
Arqueólogos italianos dieron anuncia del descubrimientu del llugar nel que, sigún la vieya llienda fundacional, los ximielgos Rómulo y Remo fueron criaos pola lloba Luperca, anantia fundar la ciudá de Roma.
El denomáu Lupercal ye una estructura mitá natural y mitá artificial d'unos siete metros d'altor y 6,5 metros de diámetru. Allúgase nel monte Palatino, que yera'l centru la Roma antigua y foi'l llugar dende'l que s'entamó la fundación de la ciudá.
La gruta considerábase un llugar de cultu, y l'emperador Augusto fizo d'elli ún de los puntos centrales de la so casa. El pueblu romanu caltuvo vivos los ritos venceyaos a esta cueva fasta'l sieglu V depués de Cristo, momentu nel que'l Papa Gelasio I decidió suprimilos pola mor les sos connotaciones paganes.
El descubrimientu tien llugar tres d'años d'incansable búsqueda por parte l'equipu d'arqueólogos que trabaya na zona, au s'acumulen innumerables ya perimportantes restos romanos.
Gracies, Nuno.
> Más información, equí.
Arqueólogos italianos dieron anuncia del descubrimientu del llugar nel que, sigún la vieya llienda fundacional, los ximielgos Rómulo y Remo fueron criaos pola lloba Luperca, anantia fundar la ciudá de Roma.
El denomáu Lupercal ye una estructura mitá natural y mitá artificial d'unos siete metros d'altor y 6,5 metros de diámetru. Allúgase nel monte Palatino, que yera'l centru la Roma antigua y foi'l llugar dende'l que s'entamó la fundación de la ciudá.
La gruta considerábase un llugar de cultu, y l'emperador Augusto fizo d'elli ún de los puntos centrales de la so casa. El pueblu romanu caltuvo vivos los ritos venceyaos a esta cueva fasta'l sieglu V depués de Cristo, momentu nel que'l Papa Gelasio I decidió suprimilos pola mor les sos connotaciones paganes.
El descubrimientu tien llugar tres d'años d'incansable búsqueda por parte l'equipu d'arqueólogos que trabaya na zona, au s'acumulen innumerables ya perimportantes restos romanos.
Gracies, Nuno.
> Más información, equí.
posted by Xosepin at 21.11.07
<< Home