Campaña 2008 na Cueva del Barbancho (Burgos): 4.300 m.

Jason Mallison na Cueva del Barbancho (Orbaneja-Burgos). Semeya: Rupo

A finales d'avientu de 2008 y mentantu cinco díes, los espeleomerguyadores británicos del Cave Diving Group (CDG) Jason Mallinson y Phil Rowsell ficieron delles incursiones na Cueva del Barbancho (Orbaneja del Castillo, Burgos), topografiando 2 km na galería "Royal Penetration" y esplorando 1.300 m más y atopando'l ríu d'esti sistema, qu'agües abaxo surde na Cueva del Agua, cavidá allugada na plaza la Villa d'Orbaneja del Castillo y de la que s'abastez esti guapu pueblu burgalés.

La galería descubierta desendólcase ente llagos, tramos inactivos, llaminadores, sales y tramos con abonda repla arcilloso pa, a la fin, empatar con un tramu activu d'amplia seición per onde cuerre l'agua, que va esplorase na viniente campaña de 2009. Anguaño, llévense topografiaos na Cueva del Barbancho 4.300 m, tres de superar 5 sifones.

Na Cueva del Aguanal, sumidoriu que fai de cabecera d'esta rede soterraña, esploráronse 200 m. d'amplia galería tres de perpasar el 10u. sifón. La galería activa sigue y con estos resultaos la cueva algama 1 km de desendolcu.

Cuidamos qu'esta cueva, allugada a 7 km de la surdencia, empatará cola Cueva del Barbancho y, al tiempu, cola Cueva del Agua.

> Más info en: Espeleobuceo en Burgos. Gracies, Rupo.