El Pozo Azul perpasa de los 6 Km.

Vacaciones in Spain: El Pozo Azul 2009. Semeya: Rupo

L'equipu internacional qu'esplora en El Pozo Azul (Covanera-Burgos) fue quién a perpasar los 6.000 m. de desendolcu horizontal nesta cavidá, lo que pon a esti sifón nel primer llugar d'ente los de más llargor d'España y segundu d'Europa tres de la Doux de Coly (Francia). El pasáu vienres 17 de xunetu, John Volanthen y René Houben (del CDG) algamaron los 4.395 m nel segundu sifón y más sero, el llunes 20, Jason Mallison (tamién del CDG) llevó'l filu fasta los 5.020 m., a -6 m. de fondura, nuna inmersión de más de 12 hores. Ayeri día 24, Rick Stanton (CDG) tiró filu fasta los 5.160 m. aportando a una campana (la galería Tipperary). Y entá-y dió pa somorguiase nún tercer sifón, avanzando nelli y aportando afuera al alborecer de güei.

L'equipu de trabayu fórmenlu espeleógos del Cave Diving Group (CDG) (Gran Bretaña), Dutch Cave Diving Group (Holanda), Grupu d'Espeleloxía Gorfoli (Asturies), Terra Sub (Logroño), Urtabi (Bilbao), G. E. Niphargus (Burgos), GES de la SEM (Málaga) y SIE (Barcelona).

> La noticia, na páxina d'Al Filo de lo Imposible

> Más: Maessage Board CDG

> Toda la info en: Newsub (Espeleobuceo en Burgos)

Gracies, Teca!