Espedición J02' 2006. Sierra Juárez, Estáu d'Oaxaca (México)

J02. Sifón a -1.200. Semeya: Marta

Mentantu los pasaos meses d'abril y mayu tuvo llugar nel Estáu mexicanu d'Oaxaca la espedición internacional d'espeleoloxía J-02, na que participaren un total de 31 espeleólogos procedentes d'USA, México, Polonia, Australia, Holanda, Inglaterra, Irlanda, Portugal y España.

Esti añu 2006 la espedición fue quién pa superar la cota l'añu pasáu, colocando la cavidá en -1209 m. de fondura y un desendolcu de 9536 m. Dende la entrada la cavidá fasta'l sifón final son unos 9 Km. de percorríu.

Les esploraciones fixéronse con puntes de 4 díes, utilizando pa ello dos vivacs instalaos a les cotes -800 y -1000. Estos vivacs taben coneutaos ente si y la superficie por teléfonu, que resultó imprescindible.

Los equipos solíen ser de 6 persones, les cuales repartíense davezu en tres equipos: ún d'esploración, ún de sofitu y ún de topografía.

La fin de la esploración d'esti añu foi un perguapu sifón. Ficieron falta ocho persones contando al que diba merguyar y 4 díes d'esfuerzu pa tresportar el material mínimu pa la inmersión. Tres de 160 m. a -7 m. de fondura, el merguyador salió a una burbuya que resultó ser un grande caos de costeros y, al otru llau, otru nuevu sifón ye la continuación. Pal casu siguir esplorando va facer falta un esfuerzu escomanáu.

Más info y semeyes perguapes nes páxines de Zape y del NEC.