Montes de Fierro

L'impresionante Complejo Atxuriaga (Galdames-Bizkaia), en 3D. SE Burnia. Pica na imaxen pa vela a mayor tamañu.

Montes de Hierro ye'l nome del nuevu y magníficu blog acabante asoleyar por Berreroslea. Trátase d'un prestosu cuadernu de campu personal sobre l'estudiu espeleolóxicu de los Montes de Triano y Galdames (Bizkaia), desendolcáu polos nuesos collacios de la Sociedad Espeleológica BURNIA. Ente los trabayos d'esploracion, destaca'l Complejo Atxuriaga (Galdames), que ye anguaño la rede soterraña más estensa y fonda de Bizkaia, con cuatro entraes naturales (Cueva de Arenaza, Torcas de La Glaja, Artekona y Rosario 5) y otros tres accesos principales al traviés de galeríes de les mines de fierro (El Bortal, Mina Europa-La Fragua y La Buena); la so espeleometría ye de 30.340 metros de desendolcu y -527 metros de fondura.

>> Pica equí pa saber más de la esploración nos Montes de Triano y Galdames.
>> Y equí, pa conocer el llabor de la SE Burnia, na so páxina.