La NASA desendolca un robot pa esplorar y topografiar cavidaes somorguiaes
Clementina, trabayando. Semeya: Deep Phreatic Thermal Explorer (DEPTHX)
L'Alministración Nacional d'Aeronáutica y l'Espaciu (NASA) quier esplorar lo más fondero del cenote denomáu "Poza El Zacatón", en Aldama (Tamaulipas-México) como ensayu pa un robot col que nel futuru cuenten esplorar -ente más otro- Europa, una de les llunes de Xúpiter.
El Proyeutu Deep Phreatic Thermal Explorer (DEPTHX), mira d'aportar col robot “Clementina” a lo más fondero'l cenote -a más de -300 metros de fondura-, au nunca nun aportara naide enxamás. El robot ye quién pa cartografiar en 3D galeríes somorguiaes de cueves y mines, al tiempu que recueye muestres d'agua, biolóxiques o de sedimentos.
La "Poza El Zacatón" allugada n'Aldama (Tamaulipas-México), tien la forma clásica los cenotes: una escomanada cavidá abierta de 116 m de diámetru, con paredes verticales que toquen la superficie l'agua unos 20 m perbaxo'l nivel del suelu la redolada. A 10 metros so les sos agües de color verde escuru, con bien poco d'osíxenu y a más de 30ºC de temperatura, ábrese una galería de 180 m de llargor qu'amiya perbaxo los 300 m. de fondura, ensin qu'entá s'aportara a lo fondero. La poza llámase asina porque na superficie'l llagu hai un isllote flotante de zacate (estropayu, Luffa cylindrica) que se mueve d'una oriella a otra.
El 6 d'abril de 1994, Sheck Exley, (que baxara en sifones a -238 m en 1988 y -265 m en 1989), somorguióse nes agües de la "Poza El Zacatón" xunta'l so compañeru Jim Bowden, pa mirar de amiyar per primer vegada perbaxu los 1.000 pies (-305 m) de fondura. Desgraciadamente, un pergrave incidente provocó la muerte d'Exley a -268 metros.
¡Gracies Nuno!. Más info:
> Proyeutu Deep Phreathic Thermal Explorer (DEPTHX).
El Proyeutu Deep Phreatic Thermal Explorer (DEPTHX), mira d'aportar col robot “Clementina” a lo más fondero'l cenote -a más de -300 metros de fondura-, au nunca nun aportara naide enxamás. El robot ye quién pa cartografiar en 3D galeríes somorguiaes de cueves y mines, al tiempu que recueye muestres d'agua, biolóxiques o de sedimentos.
La "Poza El Zacatón" allugada n'Aldama (Tamaulipas-México), tien la forma clásica los cenotes: una escomanada cavidá abierta de 116 m de diámetru, con paredes verticales que toquen la superficie l'agua unos 20 m perbaxo'l nivel del suelu la redolada. A 10 metros so les sos agües de color verde escuru, con bien poco d'osíxenu y a más de 30ºC de temperatura, ábrese una galería de 180 m de llargor qu'amiya perbaxo los 300 m. de fondura, ensin qu'entá s'aportara a lo fondero. La poza llámase asina porque na superficie'l llagu hai un isllote flotante de zacate (estropayu, Luffa cylindrica) que se mueve d'una oriella a otra.
El 6 d'abril de 1994, Sheck Exley, (que baxara en sifones a -238 m en 1988 y -265 m en 1989), somorguióse nes agües de la "Poza El Zacatón" xunta'l so compañeru Jim Bowden, pa mirar de amiyar per primer vegada perbaxu los 1.000 pies (-305 m) de fondura. Desgraciadamente, un pergrave incidente provocó la muerte d'Exley a -268 metros.
¡Gracies Nuno!. Más info:
> Proyeutu Deep Phreathic Thermal Explorer (DEPTHX).
posted by Xosepin at 5.6.07
<< Home