El CAVEX-Team estrena estructura alministrativa y web n'español, recién llegaos d'Eslovenia tres de la so XI Espedición a Kanin

Campamentu base nel refuxu Petra Skalarja na Kaninu. Semeya: Sergio García-Dils.

Los integrantes del CAVEX-Team lleven trabayando xuntos dende 1994 y funcionando como equipu estable dende 1997. L'añu pasáu, col envís d'empobinar institucionalmente l'importante volumen de proyeutos que desendolquen, decidieron constituyise como Club Deportivu n'España, creando esti 2008 el Club d'Espeleoloxía Equipu Internacional d'Esploraciones Soterrañes CAVEX-Team. Pa da-yos difusión a los sos trabayos también en español, pusieron en marcha la so páxina, qu'anguaño tan dotando de conteníos.

Y ello, recién llegaos esta selmana de la so XI Espedición a la meseta de Kanín, nos Alpes Xulianos (Bovec-Eslovenia). Una espedición rellampu la d'esta vegada, aprovechando la seca nes cavidaes pel iviernu, na que miraron d'esparexar futuros trabayos, informa Sergio García-Dils.

> La crónica d'esta cabera espedición Kanin 2008, equí.

Gracies, Nuno!.