El municipiu de Torrox (Málaga) ofrez 50.000€ a quien atope la "Cueva Oscura"

Torrox (Málaga).

Dende siempre los más vieyos del pueblu veníen diciendo qu'en dalgún de los montes de la redolada de Torrox (Málaga) hai una cueva soterraña de carauterístiques, a lo menos, tan singulares como les de la famosa Cueva de Nerja (Nerja, Málaga).

Pero más allá de la lleenda, la “Crónica General de España”, de José Bisso, asoleyada nel añu 1869, la describe físicamente, anque ensin dar del so allugamientu más indicación de que s'afaya ente Torrox y Frigiliana, y que ta a pique cerrar pola mor de los elementos. Agora l'Ayuntamientu torroxeñu decidiose a alentar a los espeleólogos, pa mirar de saber cuánto de verdá hai en too ello, ufiertando 50.000 euros a quien l'afaye dafecho. El concursu va presentase mañana na Feria Internacional de Turismu de Madrid (FITUR) pol Patronatu Municipal de Turismu de Torrox. Gracies, Nuno.

> Más info: Prensa Axarquia.com

> Torrox busca su Cueva (LA OPINIÓN)

> El Consistorio dota con 50.000 euros un concurso para localizar la Cueva Oscura (DIARIO SUR)