La UNESCO declara l'arte rupestre cantábricu, Patrimoniu de la Humanidá

El Mamut de la Cueva'l Pindal (Rebedeva-Asturies)

El Comité del Patrimoniu Mundial de la Unesco acaba declarar la candidatura de les cueves d'arte rupestre d'Asturies, Cantabria y País Vascu como Patrimoniu de la Humanidá na so Asamblea Xeneral Añal celebrada en Quebec (Canadá).

Dientro d'esta candidatura tán les cueves asturianes de Tito Bustillo (Ribeseya), El Pindal (Ribedeva), Llonín (Peñamellera Baxa), La Covaciella (Cabrales) y La Peña (Candamu). De la candidatura formaben parte otros seis xacimientos de Cantabria (Chufín, Hornos de la Peña, Monte Castillo, El Pendo, La Garma y Covalanas) y otros trés del País Vascu (Santimamiñe, Ekain y Altxerri).

La reconencia a les cueves del cordal Cantábricu con arte rupestre paleolíticu produzse 23 años dempués de que la Cueva d'Altamira (Cantabria) fuere inscrita nesta llista. Los gobiernos d'Asturies, País Vascu y Cantabria promovieren la estensión de l'actual declaración de Patrimoniu de la Humandiá del xacimientu d'Altamira al conxuntu de los xacimientos del Cantábricu d'asemeyaes carauterístiques.

La Unesco considera agora que les 14 cueves citaes axunten condiciones de "escelencia asemeyaes a les d'Altamira, obra maestra del arte universal de tolos tiempos".

La gran importancia de los yacimientos asturianos llevó al Gobiernu del Principáu a plantegase nos años 90 la solicitú de la so inclusión na Llista del Patrimoniu Mundial Cultural y Natural, dientro del contestu d'una candidatura más amplia, denomada "Arte Rupestre paleolíticu nel Cordal Cantábricu". Asina, el 8 d'ochobre de 1997 nun conceyu celebráu en Santillana del Mar, los Gobiernos d'Asturies, Cantabria y País Vascu decidieron collaborar de cara a la redaición d'un proyeutu común que buscaba la declaración de dellos yacimientos cantábricos con arte rupestre como Patrimoniu de la Humanidá.

Les trés comunidaes autónomes solicitaron que la candidatura fuere considerada una ampliación de la declaración d'Altamira de 1985 por ser ésti un mecanismu que diba aidar a llograr que la propuesta fuere almitida a trámite pola Unesco. El primer pasu p'algamar esta declaración foi la inclusión nel denomáu Llistáu Indicativu Español. El llistáu indicativu ye un inventariu nel que s'inclúin los bienes que cada Estáu considera que puen ser incluyíos nel Llistáu del Patrimoniu de la Humanidá, considerando tanto elementos culturales como naturales.

El "valor universal esceicional" de la candidatura basóse nel fechu de que la Cornisa Cantábrica constitúi ún de los territorios clásicos del arte rupestre paleolíticu del oeste d'Europa, axuntando na fastera comprendida ente'l ríu Nalón, al oeste de les cuenques de los ríos Pas y Besaya, al este, la mayor concentración de cueves con pintures y grabaos del Paleolíticu Superior.

> La noticia, n'Asturies.com