La Cueva las H.errerías (Llanes), ¿Bien d'Interés Cultural?
Equí n'Asturies, qué meyor qu'un chaletín. Semeya: AVALL.
L'Agupación de Vecinos y Amigos de Llanes (AVALL) denunció'l proyeutu de facer una urbanización de chaletinos enriba una cueva con pintures rupestres de la dómina Magdaleniense, la Cueva las H.errerías, declarada de Bien d'Interés Cultural pola Conseyería de Cultura del Principáu d'Asturies.
AVALL denunció n'abril de 2003 la pretensión d'un particular, propietariu de delles finques so les que se desendolca la Cueva las H.errerías, allugada en La Pereda (Llanes), y declarada como Bien d'Interés Cultural del Principáu d'Asturies (BIC), de construir una urbanización de chaletinos con parcela nel llugar. D'aquella, la cueva nun tenía proteición dala pesie que son estremaes les normes qu'obliguen a l'Alministración a afitar un aria de proteición que salvaguarde cualisquier BIC y la so redolada. La Cueva las H.errerías nun sólo carecía dafecho de proteición dala, sinón que, amás, sacantes la so boca d'entrada principal (tien delles), tolos terrenos que conformen la so cúpula y una gran parte de la so redolada incluyéronse dientro del Nucliu Rural de La Pereda nel Plan Xeneral d'Ordenación Urbana (PXOU) de Llanes, y poro, declaraos edificables.
Énte esta situación, AVALL denunció entós al Ayuntamientu de Llanes énte la Conseyería de Cultura al traviés del Serviciu de Patrimoniu Históricu, la Conseyería d'Infraestructures y Política Territorial, la Direición Xeneral de Cultura (Belles Artes), la Comisión de Cultura d'Europa, la Fiscalía del Tribunal Superior de Xusticia d'Asturies (TSXA), el Defensor del Pueblu, y, a la fin, la UNESCO. Nengún de los organismos pertenecientes a l'Alministración asturiana o estatal fizo res, sacantes la UNESCO, quien per aciu del entós Direutor Xeneral d'Arqueoloxía, el Dr. Jean Clottes, contautó con AVALL ya intervino n'estremaos medios de comunicación, empobinándose per escrito a los organismos públicos implicaos, alvirtiendo del valir estraordinariu de les pintures rupestres de la dómina Magdaleniense que tien la Cueva las H.errerías y del xabaz atentáu que se prevía sobre elles.
Anguañu, pasaos yá cinco años dende entós, la urbanización nun se fizo por simple presión mediática, pero non porque les autoridaes competentes na materia lo impedieran cumpliendo cola llegalidá vixente. El propietariu les finques, D. Ronald Abdul Rasid Niamut, vendióles en 2006 a la empresa promotora Marítima Cabo Torres S.L., con sé n'Uviéu, tal y como consta nel Rexistru la Propiedá de Llanes y nel Rexistru Mercantil d'Asturies, la cual, llantó'l cartel anunciador de la promoción nes finques, ufiertando la a la venta cinco viviendes unifamiliares con parceles, que van de los 500 a los 14.000 m2.
Con too, AVALL fui quien p'algamar que'l 31 de marzu de 2008, la Conseyería de Cultura publicare nel BOPA y nel BOE una Resolución pola qu'aprueba un aria de proteición provisional pal elementu históricu. Aria na que les finques propiedá de la promotora tan dafecho incluyíes. Pero ensin que la Conseyería oficiare al Ayuntamientu de Llanes pa que saque darréu del Nucliu Rural de la Pereda (PXOU de Llanes) los terrenos afectaos pol aria de proteición aprobada, perdiendo la so condición d'edificables dende'l puntu de vista urbanísticu; lo qu'atenta escontra'l BIC y llama a engañu a los potenciales veceros d'esa promoción.
Apocayá qu'AVALL denució'l refugue de la Comisión d'Urbanismu y Ordenación del Territoriu d'Asturies (CUOTA) a modificar la calificación de varies finques urbanizables allugaes na redolada la cueva, una d'elles xusto enriba la galería les pintures. La CUOTA propón caltener la calificación de suelu urbanizable pa esa fastera, que dellos organismos públicos reclamen clasificar como non urbanizable para garantizar la conservación de la gruta. AVALL solicitó tamién que se caltengan dientro la zona de proteición de la cueva unos terrenos nos qu'anguaño hai una cantera. AVALL pide, además, la paralización darréu de l'actividá la cantera, porque se trata de la más importante afección documentada que sufre la cueva.
AVALL reclama, al empar, el cierre y adecuación del entornu la cueva y desixe un estudiu hidroxeolóxicu-ambiental del acuíferu del BIC (el denomáu Pozu la Mina), que nun obra nel espediente. Según los resultaos d'esti informe, AVALL va pedir l'ampliación o modificación del aria de proteición.
> Vía Truji Espeleo.
> Más info na páxina d'AVALL.
L'Agupación de Vecinos y Amigos de Llanes (AVALL) denunció'l proyeutu de facer una urbanización de chaletinos enriba una cueva con pintures rupestres de la dómina Magdaleniense, la Cueva las H.errerías, declarada de Bien d'Interés Cultural pola Conseyería de Cultura del Principáu d'Asturies.
AVALL denunció n'abril de 2003 la pretensión d'un particular, propietariu de delles finques so les que se desendolca la Cueva las H.errerías, allugada en La Pereda (Llanes), y declarada como Bien d'Interés Cultural del Principáu d'Asturies (BIC), de construir una urbanización de chaletinos con parcela nel llugar. D'aquella, la cueva nun tenía proteición dala pesie que son estremaes les normes qu'obliguen a l'Alministración a afitar un aria de proteición que salvaguarde cualisquier BIC y la so redolada. La Cueva las H.errerías nun sólo carecía dafecho de proteición dala, sinón que, amás, sacantes la so boca d'entrada principal (tien delles), tolos terrenos que conformen la so cúpula y una gran parte de la so redolada incluyéronse dientro del Nucliu Rural de La Pereda nel Plan Xeneral d'Ordenación Urbana (PXOU) de Llanes, y poro, declaraos edificables.
Énte esta situación, AVALL denunció entós al Ayuntamientu de Llanes énte la Conseyería de Cultura al traviés del Serviciu de Patrimoniu Históricu, la Conseyería d'Infraestructures y Política Territorial, la Direición Xeneral de Cultura (Belles Artes), la Comisión de Cultura d'Europa, la Fiscalía del Tribunal Superior de Xusticia d'Asturies (TSXA), el Defensor del Pueblu, y, a la fin, la UNESCO. Nengún de los organismos pertenecientes a l'Alministración asturiana o estatal fizo res, sacantes la UNESCO, quien per aciu del entós Direutor Xeneral d'Arqueoloxía, el Dr. Jean Clottes, contautó con AVALL ya intervino n'estremaos medios de comunicación, empobinándose per escrito a los organismos públicos implicaos, alvirtiendo del valir estraordinariu de les pintures rupestres de la dómina Magdaleniense que tien la Cueva las H.errerías y del xabaz atentáu que se prevía sobre elles.
Anguañu, pasaos yá cinco años dende entós, la urbanización nun se fizo por simple presión mediática, pero non porque les autoridaes competentes na materia lo impedieran cumpliendo cola llegalidá vixente. El propietariu les finques, D. Ronald Abdul Rasid Niamut, vendióles en 2006 a la empresa promotora Marítima Cabo Torres S.L., con sé n'Uviéu, tal y como consta nel Rexistru la Propiedá de Llanes y nel Rexistru Mercantil d'Asturies, la cual, llantó'l cartel anunciador de la promoción nes finques, ufiertando la a la venta cinco viviendes unifamiliares con parceles, que van de los 500 a los 14.000 m2.
Con too, AVALL fui quien p'algamar que'l 31 de marzu de 2008, la Conseyería de Cultura publicare nel BOPA y nel BOE una Resolución pola qu'aprueba un aria de proteición provisional pal elementu históricu. Aria na que les finques propiedá de la promotora tan dafecho incluyíes. Pero ensin que la Conseyería oficiare al Ayuntamientu de Llanes pa que saque darréu del Nucliu Rural de la Pereda (PXOU de Llanes) los terrenos afectaos pol aria de proteición aprobada, perdiendo la so condición d'edificables dende'l puntu de vista urbanísticu; lo qu'atenta escontra'l BIC y llama a engañu a los potenciales veceros d'esa promoción.
Apocayá qu'AVALL denució'l refugue de la Comisión d'Urbanismu y Ordenación del Territoriu d'Asturies (CUOTA) a modificar la calificación de varies finques urbanizables allugaes na redolada la cueva, una d'elles xusto enriba la galería les pintures. La CUOTA propón caltener la calificación de suelu urbanizable pa esa fastera, que dellos organismos públicos reclamen clasificar como non urbanizable para garantizar la conservación de la gruta. AVALL solicitó tamién que se caltengan dientro la zona de proteición de la cueva unos terrenos nos qu'anguaño hai una cantera. AVALL pide, además, la paralización darréu de l'actividá la cantera, porque se trata de la más importante afección documentada que sufre la cueva.
AVALL reclama, al empar, el cierre y adecuación del entornu la cueva y desixe un estudiu hidroxeolóxicu-ambiental del acuíferu del BIC (el denomáu Pozu la Mina), que nun obra nel espediente. Según los resultaos d'esti informe, AVALL va pedir l'ampliación o modificación del aria de proteición.
> Vía Truji Espeleo.
> Más info na páxina d'AVALL.
posted by Xosepin at 9.1.09
<< Home