¡A bucear!

Carmina, merguyando. ¡A bucear! ye una iniciativa d'Aules Hospitalaries d'Uviéu (HUCA).

Per segundu añu, los alumnos d'Aules Hospitalaries d'Uviéu, van esfrutar d'una actividá perespecial organizada gracies a la colaboración de los mélicos del Hospital Universitariu Central d'Asturies (HUCA), Corsino Rey Galán y Alberto Medina Villanueva, esti últimu instructor d'Astuerasub y miembru del G.E. Gorfolí, entidaes que participen andechando nel cursu.

El cursu de merguyu adautáu tá orientáu a deprender conceptos básicos de buceo de forma teórica y práutica, y consta de dos partes:

1.- Bautismu en piscina. Realizaráse'l viniente sábadu 14 de febreru a les cuatro la tarde na piscina de Sotrondio (SMRA).

2.- Bautismu na mar. En fecha por determinar, a finales de xunu, na ensenada de Llastres.

Participen nesti cursu alumnos d'Aules Hospitalaries, con dalguna discapacidá o convalecientes tres d'un procesu d'enfermedá. Lo meyor d'esta actividá ye que'l mediu acuáticu ufre la oportunidá a les persones con discapacidá de facer les mesmes actividaes que les persones ensin llimitaciones físiques. La sensación de lliberación na inmersión ye muncho bien gratificante y fai que l'actividá deportiva pa estos nenos y adolescentes seya una esperiencia única.

> Más info: Aules Hospitalaries d'Uviéu (HUCA).