Escuela Asturiana d'Espeleoloxía y Cañones

¿Queríes iniciate nesto de la espeleo y nun sabíes per onde entamar?. Acabante nacer como quien diz, la Escuela Asturiana d'Espeleoloxía y Cañones (EAEC) ye una iniciativa de los collacios de la SEB Escar, Nacho Montero, María Herrera y Pablo Solares.

La EAEC ye un centru docente empobináu a la formación deportiva nes disciplines d'espeleoloxía y descensu de cañones a tolos niveles: dende los cursos davezu sobre téunica deportiva, fasta cursinos muncho bien específicos y téunicos como los de topografía soterraña o los monográficos acerca de meteoroloxía o xeoloxía.

Por convicción de los sos entamadores y como base de tolos sos proyeutos, la Escuela afítase en tres pegoyos básicos:

• Enseñanza dende la seguranza
• Enseñanza tresversal ya interdisciplinar
• Enseñanza empobinada a una nueva perceición de la naturaleza

Entamen bien ceo nes selmanes vinientes con dos cursos d'iniciación, un d'espeleo y otru de cañones, seique sedrán del vuestru interés. Entrambos dos cursos son de cinco díes de duración, 40 hores, con carga teórica y carga práutica a desendolcar en delles cueves y foces. calca nos cartelos pa más información:



> Más info: Nacho Montero García-San Miguel. Direutor EAEC. Tlf: 639119262

Dende Espeleoastur, la nuesa más sincera norabona pola iniciativa y tol aliendu y sofitu nesta empresa pa los nuesos collacios: ¡¡¡h.uercia!!!... The Times They Are A-Changin...