Nuevu blogue de la SEB Escar con tola info sobre el karst de la Peñe Villa, Llabres y los Resquilones (Llanes-Asturies)

Ortofoto de la fastera de Peñe Villa, Llabres y Los Resquilones (Llanes-Asturies).

La S.E.B. Escar ta acabante asoleyar un nuevu blogue, espeyando'l bon facer al que mos tienen avezaos y dedicáu dafecho a los resultaos de los sos trabayos na fastera de la Peñe Villa, la Peñe Llabres y el Picu los Resquilones (Conceyu de Llanes), au van dir allugando les reseñes y topografíes de les cavidaes esploraes y dellos más trabayos rellacionaos; el blogue permite, al empar, consultar y descargar en PDF les memories completes d'esploración de les estremaes campañes añales desendolcaes pol club.

Y con una guapa dedicatoria: Esti blogue ta dedicáu a tolos espeleólogos, aquellos que porten la lluz metanes la escuridá perpetua, aquellos que dibuxen los planos de los caberos requexos incógnitos del planeta, partícipes del privilexu de ser los últimos esploradores.

Podéis atopalu equí: http://karstdevillayllabres.blogspot.com

Lo bien fecho, bien paez... munches gracies, collacios!.