L'Axuntanza, trabayando n'andecha
Cueva X. Semeya: Santi (GE Diañu)
Los dies 16 y 17 de xineru entamamos los axuntaos (A.D. Cuasacas, G.E. Diañu Burlón, S.E.B. Escar, L'Esperteyu C.S.C., G.E. Gorfolí, G.E. Polifemo, y dellos otros collacios d'otros clubes) una andecha pa colos collacios de L'Esperteyu na esploración y topografía de Cueva X, allá pelos valles de la Peñamellera. De pasu, aprovechóse pa facer un conceyu nel que se trató los ensayos con trazadores que miren de facer el Diañu y Cuasacas (na Cuova'l Mixón, en Yernes) y l'Escar (na Cueva de H.ou Amieva, en Llanes). Amás, tamién facía falta tratar dellos otros temes urxentes ya importantes, como la tramitación de les llicencies federatives o la solicitú de zones de trabayu, venceyaos a la desastrosa situación de la Federación asturiana y el nuesu propósitu de cambiala.
Más info nos blogues del GE Diañu Burlón y del SEB Escar. Gracies, collacios!.
<< Home