PC-26: -1.165 m.

El Picu Urriellu, dende la Vega los Tortorios. Semeya: Mavi

Na PC-26 llegóse a un perguapu sifón a -1.165 m. de fondura. Les galeríes del coleutor fonderu son de grandes dimensiones, asemeyaes a les de la Torca Castil (PC-15, -1.028 m.) y entá queden zones por esplorar pa campañes vinientes. Paez ser que'l ríu d'esti coleutor de la PC-26 ye otru estremáu del ríu de la Torca Castil y ta allugáu a 60 m. perbaxu la cota d'esti. Tando pendientes de futures esploraciones y comprobaciones, parez qu'estos datos vendríen a confirmar lo que yá mos amosó la Torca Castil: primero, que'l calce'l ríu Duh.e nun pue considerase nivel de base hidroxeolóxico ente los macizos central y oriental de Picos, como sí lo son los ríos Cares y Seya, al oeste (los ríos soterraños de los coleutores de Torca Castil y la PC-26 tan muncho bien perbaxu la cota'l Duh.e); y segundo, que tou esti seutor del macizu central (Castil-Moñas-Tortorios-Urriellu) drena preferente al Cares, al traviés de la surdencia'l Farfáu la Viña.

Per otru llau, la estrencha y perabegosa VA-1 sigue tamién afondando perbaxu la cota -500 m., quedando la punta d'esploración pa otru añu na cabecera d'un pozu d'unos 150 metros de fondura.

Gracies, Merche.