Sistema H.oulagua (Cornión, Picos d'Europa): - 1.102 m.
Carretando material na poza'l llagu terminal de l'Asopladeru la Texa (-1.060 m). Semeya: Geoff O'Dell 2005 (OUCC).
Los díes 12 y 13 de xunetu, el merguyador británicu Tony Seddon merguyó nel sifón terminal de l'Asopladeru la Texa, a -1.060 m. (Sistema Texa-H.oulagua), algamando una fondura de -42 m.f. ensin ser quién pa trespasalu. La fondura total del Sistema H.oulagua pasa d'esta miente a ser de -1.102 m. Les opciones d'empatar La Texa cola surdencia de la Cueva Culiembru nel ríu Cares, complíquense.
L'Asopladeru la Texa esploróse per primer vegada por miembros de la SIE (Barcelona) nos primeros años 80 fasta - 102 m, parando nún estrenchu meandru soplador. Más sero, ente 1995 y 1998, en cuatro sucesives espediciones, la SIE xunta espeleologos d'otros grupos (SEII, Talpa, SEPS, ECG), ye quién pa forzar la estrenchura del "Meandru'l Guah.e", aportando a -845 m. de fondura nún llagu que pintaba sifonar.
En 2001 y 2002, los espeleólogos británicos del OUCC xunta miembros de la SIE, descubren y esploren el Pozu la Tormenta, empatándolu col afluente de - 720 m. del Asopladeru la Texa, formando asina'l Sistema H.oulagua.
En 2005, el OUCC xunta miembros de la SIE y del ERE, perpasa'l llagu terminal del Asopladeru, que nun llegaba a sifonar, algamando un nuevu sifon terminal a - 1.060 m.
L'equipu qu'esplora estos díes La Texa, comunicóse dende'l campmamentu soterrañu a - 700 m. col campamentu esterior en Vega d'Ariu col sistema de comunicaciones soterrañes Nicola pa dar l'anuncia. Agora, tienen l'envís de merguyar otru sifón nel coleutor de -800 m, descubiertu pola SIE en 1998, que paez ser un ríu estremáu al de -1.060 m.
Información facilitada pol nuesu collaciu Josep Guarro. ¡Gracies, Josep!.
Los díes 12 y 13 de xunetu, el merguyador británicu Tony Seddon merguyó nel sifón terminal de l'Asopladeru la Texa, a -1.060 m. (Sistema Texa-H.oulagua), algamando una fondura de -42 m.f. ensin ser quién pa trespasalu. La fondura total del Sistema H.oulagua pasa d'esta miente a ser de -1.102 m. Les opciones d'empatar La Texa cola surdencia de la Cueva Culiembru nel ríu Cares, complíquense.
L'Asopladeru la Texa esploróse per primer vegada por miembros de la SIE (Barcelona) nos primeros años 80 fasta - 102 m, parando nún estrenchu meandru soplador. Más sero, ente 1995 y 1998, en cuatro sucesives espediciones, la SIE xunta espeleologos d'otros grupos (SEII, Talpa, SEPS, ECG), ye quién pa forzar la estrenchura del "Meandru'l Guah.e", aportando a -845 m. de fondura nún llagu que pintaba sifonar.
En 2001 y 2002, los espeleólogos británicos del OUCC xunta miembros de la SIE, descubren y esploren el Pozu la Tormenta, empatándolu col afluente de - 720 m. del Asopladeru la Texa, formando asina'l Sistema H.oulagua.
En 2005, el OUCC xunta miembros de la SIE y del ERE, perpasa'l llagu terminal del Asopladeru, que nun llegaba a sifonar, algamando un nuevu sifon terminal a - 1.060 m.
L'equipu qu'esplora estos díes La Texa, comunicóse dende'l campmamentu soterrañu a - 700 m. col campamentu esterior en Vega d'Ariu col sistema de comunicaciones soterrañes Nicola pa dar l'anuncia. Agora, tienen l'envís de merguyar otru sifón nel coleutor de -800 m, descubiertu pola SIE en 1998, que paez ser un ríu estremáu al de -1.060 m.
Información facilitada pol nuesu collaciu Josep Guarro. ¡Gracies, Josep!.
> Mas info, equí.
posted by Xosepin at 22.7.08
<< Home