El Principáu estudia cobrar polos rescates ya intervenciones de bomberos en casos de clara neglixencia del afectáu
Operación de Rescate dende la grúa l'helicópteru de Bomberos d'Asturies.
El director xeneral de Seguridá Pública, Valentín Ruiz, informó güei de que'l Principáu encargó un estudiu xurídicu sobre la posible creación d'una tasa que cubra los gastos de rescate o intervenciones de bomberos nos qu'hubiere un clara neglixencia per parte de los afectaos. El nuevu cobru podía incluyise en forma de llei dientro de la próxima partida presupuestaria.
Asina lo esplicó Ruiz demientres la rueda prensa qu'ofreció pa informar del balance d'actuaciones del Serviciu de Salvamentu de Playes demientres el pasáu branu.
Entrugáu polos periodistes sobre les actuaciones de rescate na montaña, reconoció qu'existe preocupación pola "actuación de servicios de bomberos en casos de neglixencia", especialmente nel casu de rescates col helícópteru. Nesti sen, esplicó que Cantabria "ya punxo en marcha una serie de tases y cobros pal serviciu de bomberos, y tamos estudiando la posibilidá y xurídicamente toles implicaciones" p'aplicar la midida n'Asturies.
Matizó que "nun se diba actuar estableciendo una tasa porque sí en tolos servicios de rescate, sinón naquellos que se realizaren por mal usu". Sicasí, reconoció que "ye xurídicamente complicáu determinar qué ye imprudente pa poder actuar, porque nun ye lo mesmo dicir que se te cobra por un serviciu de rescate, que diba ser mui fácil, a dicir que se cobra si pasa una determinada circunstancia". Ye nesi puntu nel que trabayen los servicios xurídicos de la Conseyería de Presidencia y Igualdá, a la que pertenez la so direición. "Vamos ver el procesu prácticu de Cantabria, non sólo cómo s'amplica, sinón tamién si tienen razón a la hora d'aplicalo", añadió.
Entrugáu por si la tasa se llendaba a casos de montaña, Ruiz señaló que ye na actuación de la mesma no que se ta trabayando, pero adelantó que polo menos tamién podía ser estensible a casos d'incendios.
El director xeneral dexó claro que ye una posibilidá n'estudiu que pue que nun salga alantre, pero en casu de que sí lo faiga "daríase a conocer mui pronto", enantes de qu'entame la tramitación de los presupuestos autonómicos del 2010.
> Noticia esbillada d'Europa Press.
El director xeneral de Seguridá Pública, Valentín Ruiz, informó güei de que'l Principáu encargó un estudiu xurídicu sobre la posible creación d'una tasa que cubra los gastos de rescate o intervenciones de bomberos nos qu'hubiere un clara neglixencia per parte de los afectaos. El nuevu cobru podía incluyise en forma de llei dientro de la próxima partida presupuestaria.
Asina lo esplicó Ruiz demientres la rueda prensa qu'ofreció pa informar del balance d'actuaciones del Serviciu de Salvamentu de Playes demientres el pasáu branu.
Entrugáu polos periodistes sobre les actuaciones de rescate na montaña, reconoció qu'existe preocupación pola "actuación de servicios de bomberos en casos de neglixencia", especialmente nel casu de rescates col helícópteru. Nesti sen, esplicó que Cantabria "ya punxo en marcha una serie de tases y cobros pal serviciu de bomberos, y tamos estudiando la posibilidá y xurídicamente toles implicaciones" p'aplicar la midida n'Asturies.
Matizó que "nun se diba actuar estableciendo una tasa porque sí en tolos servicios de rescate, sinón naquellos que se realizaren por mal usu". Sicasí, reconoció que "ye xurídicamente complicáu determinar qué ye imprudente pa poder actuar, porque nun ye lo mesmo dicir que se te cobra por un serviciu de rescate, que diba ser mui fácil, a dicir que se cobra si pasa una determinada circunstancia". Ye nesi puntu nel que trabayen los servicios xurídicos de la Conseyería de Presidencia y Igualdá, a la que pertenez la so direición. "Vamos ver el procesu prácticu de Cantabria, non sólo cómo s'amplica, sinón tamién si tienen razón a la hora d'aplicalo", añadió.
Entrugáu por si la tasa se llendaba a casos de montaña, Ruiz señaló que ye na actuación de la mesma no que se ta trabayando, pero adelantó que polo menos tamién podía ser estensible a casos d'incendios.
El director xeneral dexó claro que ye una posibilidá n'estudiu que pue que nun salga alantre, pero en casu de que sí lo faiga "daríase a conocer mui pronto", enantes de qu'entame la tramitación de los presupuestos autonómicos del 2010.
> Noticia esbillada d'Europa Press.
posted by Xosepin at 28.9.09
<< Home