TEDRA™, el Nicola aragonés

Probando'l TEDRA, en Villanúa (Huesca-Aragón).

Naz el TEDRA™ (Through Earth Digital Radio Appliance), un sistema revolucionariu d'avanzada teunoloxía dixital pa les comunicaciones soterrañes ensin cables, desendolcáu pol "Grupo de Tecnologías en Entornos Hostiles" de la Universidá de Zaragoza cola multinacional alemana SIEMENS. Esti sistema fai vidables les comunicaciones de voz ente la superficie y l'interior de la tierra ensin falta cables, neto que'l yá popular Sistema Nicola de comunicación por radio en cavidaes.

El sistema comercialízalu la nomada tienda aragonesa barrabes.com y vien plantegáu yá dafecho como un productu comercial, coles ventayes y seique inconvenientes qu'ello tien de suponer, al preciu de 1.200 euros unidá, ensin contar l'IVA (fain falta lo menos dos equipos pa posibilitar la comunicación). Sicasí, el sistema va suponer ensin dulda un pasu perimportante na meyora la seguranza nel desendolcu les esploraciones espeleolóxiques.

> Pa comprobar les sos especificaciones téuniques, ver cómo funciona, testar les pruebes feches con esti sistema y mercalu, si ye'l casu, nesta páxina.

> Esti vidiu amuesa'l funcionamientu'l sistema.

Gracies, Rupo.