Espeleotemes somorguiaos n'El Pozo Azul

Estalactita d'El Pozo Azul. Semeya: Rupo.

El xeólogu Javier Lusarreta, de la Sociedad Espeleológica Lenar (Santander) y Rubén Taboada del grupo Terra Sub (Logroño), dieron nel Primer Sifón d'El Pozo Azul con dos estalactites de 11 y 20 cm, allugaes a 3 m de fondura. La pista dióla'l Dr. en Cencies Xeolóxiques E. Sanz Pérez, que faló de la esistencia d'estes formaciones caliares a los esploradores. Nun trabayu sobre Morfoloxía Kárstica soterraña d'El Pozo Azul, asoleyáu en 1986 por E. Sanz Pérez y J. Medina Ferrer yá facíen referencia a la presencia d'estos espeleotemes. La importancia d'estes estalactites radica en que prueben que la galería somorguiada (Primer Sifón) con un desendolcu de 700 m y una fondura de -20 m, nun tuvo dafecho somorguiada n'otres dómines. Un estudiu de datación absoluta pol Sistema Uraniu-Toriu que va facer el Departamentu d'Inxeniería Xeolóxica, de la Escuela Téunica Superior d'Inxenieros de Mines de la Universidá Politéunica de Madrid, va desvelar l'antigüedá d'estes estalactites, que servirán como indicadores paleoclimaticos.

>> La noticia, dala Rupo.